2013年9月3日 星期二

茅根竹蔗粥

茅根竹蔗粥 剛搬入上水時
石糊墟大排檔有間粥鋪
東莞佬
佢有一種甜粥賣
見人食過碗粥裡面有竹蔗茅根
當時覺得有乜好食呀!
廿幾年後
亞女話佢朋友想到上水食吓呢碗粥
咦!
乜咁出名咩
咁就要去試下啦!
真係名不虛傳
好好食
甜度適中
裡面有好多材料
有紅蘿白、黄豆、元肉、玉竹、馬蹄、羅漢果、還有淡淡果皮香
不過無茅根竹蔗在碗內
相信係比你都唔會食,所以無放在碗內

 

農塲餐廳

已結業的農塲餐廳老闆係上水石湖墟街市
熟食檔開咗間
農塲。意粉
聽聞有人話都幾好食
今日走去試下
叫咗個午餐
黑椒豬柳拼薄牛扒意粉
有小塊蒜茸包
好香好脆
餐湯要羅宋湯
望落好得
但飲落就好酸
酸嘅味唔係蕃茄或茄汁酸
而係醋酸或者係檸檬酸
唔好飲
至於個黑牛扒豬柳意粉
黑椒汁好香好夠辣,不過 D汁唔熱
牛扒就好多根,而豬柳就好味好食
整體都算幾好食價錢就超平35元
熱飲或凍飲加4元

 
 




香格里拉

早前亞女放大假
去咗香格里拉食自助餐
海鮮為主題
最好食喺長脚蟹
上次因為隻牙有事一D海鮮都冇食過
今次唔怕死食咗長脚蟹
真係好鮮甜
除咗海鮮都有好多類食品
仲有炒雪糕
 


 

冬瓜盅

上星期去太和美心飲茶
見到晚飯有個片皮鴨冬瓜盅套餐
260元加35就凉瓜炒埋個鴨件
今晚去試咗
整體都算幾抵食
冬瓜盅算多料
有蝦、瑤柱、蓮子、帶子
不過有少許酒味
個人並不喜歡
3個人食每人都有四碗
至於片皮鴨
鴨皮好脆,好食
涼瓜炒鴨件好大碟
無叫其它餸都食唔晒
最後叫咗波蘿糯米糍
皮厚唔夠甜,唔好食
 
 
 



甜黄皮

甜黄皮
近呢十年先發覺黄皮有甜嘅
仲係好甜嗰隻
每年七月開始
天光墟都有新界種嘅黃皮賣
有酸同甜嘅黄皮
今年D黃皮特別甜
大粒又好肉
我同亞女都好喜歡食
不過
要一早去天光墟買
到而家都食咗有成十斤
 

水蜜桃

又係一年一度食水蜜桃季節
今年亞女又係叫朋友到相熟果欄買
價錢同崇光真係平咗一半都唔止
今次呢批係山梨縣嘅
唔係太熟要等多日先可以食
水蜜桃真係人間美食
期待    期待


 

濕疹



濕疹
係好難治斷尾嘅皮膚病
我亞媽曾受到濕疹困擾多時
中西醫皮膚專科
都醫唔好
仲越來越嚴重
初時只係身
後來手脚頭頂都有
痕到瞓唔到
成個人瘦晒
後來我記得我有一本叫
"
醫食拾遺"係名中醫江一葦醫生寫的
裡面有一款湯水合濕疹飲
我就嘗試叫亞媽煲來飲
唔好睇小好簡單嘅食材
咁就醫好亞媽D濕疹
不過
濕疹係一種皮膚病
係要介口
海鮮就唔好食咁多
亞媽如果覺得皮膚有D痕有D粒粒想翻發
就即刻再煲來飲
好快就冇事
至於我亞媽D濕疹
係好細粒
一粒粒,紅紅
一堆一堆
好痕那種 我都久不久都來飲去下D濕
材料
土茯苓一斤 (切片)
生龜板一對 (即二件)
大生地二兩
瘦肉六兩
以五湯碗水煲三小時
約得濃湯四飯碗左右
分兩次連可以吃渣滓同吃
連服+次
學吓人講
最好請教自己醫生
適合自己才煲


 

 

 



燒肉


 
 
 
 
 
 
 

 
 
 
 

春天


 
春天係一個又愛又討厭嘅季節,
愛佢百花盛開,
樹木嫩綠,
見到都開心,
討厭佢濕濕淋淋,
陰陰暗暗,
今早起身,
D,就去北區公園影吓花,
公園無乜新品種,
連上個月有嗰隻蝴蝶花都冇左,
反而,
有好多雀鳥飛來飛去,
吱吱喳喳,
聽到佢地D歌聲,.
人都精神晒.

 




 


 


 

太陽&月亮

早前
深夜3:00我望出窗外
見到呢個唔知
太陽定月亮
但係好快就被厚雲遮蓋
消失黑暗中

 
 
 
 
 
 
 
 
 
 

雲泉荷影


荷花
 

 

 

 

 

 

 
 
 
 
 
 
 
 

昔日尖沙咀積木展


昔日尖沙咀積木展
1970年之尖沙咀
 
 
 
 
 
 
 
 
 
 
 
 


2010年之尖沙咀
 
 
 
 
 
P6064045_副本